Ե՞րբ կարող են խուզարկել ձեր ավտոմեքենան Հայաստանում։ Իրավունքներ, որ պետք է իմանալ։
Շատերը չեն էլ կասկածում, որ իրենց ավտոմեքենան Հայաստանի օրենսդրությամբ ունի գրեթե նույն իրավական պաշտպանությունը, ինչ իրենց բնակարանը: Այս հոդվածում մենք՝ TUGANQ.COM-ի թիմը, կպարզաբանենք, թե երբ և ինչ պայմաններում կարող են իրավապահները խուզարկել ձեր մեքենան։
Իրավական հիմքերը
ՀՀ քրեական դատավարության օրենսգրքի 6-րդ հոդվածի համաձայն՝ ավտոմեքենան դիտարկվում է որպես «բնակարան» հասկացության մաս: Սա նշանակում է, որ ձեր ավտոմեքենան օգտվում է բնակարանի անձեռնմխելիության բոլոր իրավական երաշխիքներից, որոնք ամրագրված են ՀՀ Սահմանադրության 32-րդ հոդվածում։
Խուզարկության իրավական պայմանները
Համաձայն Սահմանադրության 32-րդ հոդվածի 3-րդ կետի՝ ավտոմեքենայի խուզարկությունը կարող է իրականացվել միայն դատարանի որոշման հիման վրա։ Սա նշանակում է, որ ոստիկանությունը չի կարող ինքնակամ, առանց դատարանի համապատասխան որոշման, խուզարկել ձեր ավտոմեքենան:
Զննություն vs Խուզարկություն. Իմացե՛ք տարբերությունը
Կարևոր է հստակ տարբերակել «զննությունը» «խուզարկությունից»:
Զննություն (Inspection):
- Իրականացվում է առանց դատարանի որոշման։
- Իրենից ներկայացնում է միայն տեսողական դիտարկում։
- Արգելվում է՝ բարձրացնել նստատեղերը, բացել իրերի պահման խցիկները (բեռնախցիկ, «բարդաչոկ»), դռները, պատուհանները։
- Արգելվում է որևէ ակտիվ գործողություն կատարել կամ ձեզնից պահանջել, որ դուք բացեք որևէ բան։
- Պարտադիր պահանջվում է դատարանի որոշում։
- Ներառում է ակտիվ գործողություններ և մանրակրկիտ ուսումնասիրություն։
- Թույլատրվում է ուսումնասիրել ավտոմեքենայի բոլոր հատվածները, բացել խցիկները։
Եթե ոստիկանը փորձում է խուզարկել ձեր ավտոմեքենան, դուք իրավունք ունեք՝
Հիշե՛ք, ձեր ավտոմեքենան ձեր տարածքն է, և այն պաշտպանված է օրենքով։ Ոչ ոք իրավունք չունի խախտել այդ անձեռնմխելիությունը առանց համապատասխան իրավական հիմքերի։
